زیر تعمیر جگہ پر زکوۃ کا حکم

میں نے ایک پلاٹ بیچنے کی نیت سے خریدا تاکہ اس سے نفع حاصل ہو۔ اب اس پر ایک فلیٹ بنوا رہا ہوں، لیکن اس کو مکمل ہونے میں تقریباً تین سال لگ جائیں گے۔ تو اس پر زکوۃ کی ادائیگی ہر سال کرنی پڑے گی یا تین سال بعد جب اس کو بیچ کر منافع حاصل ہو جائے تب اس کی زکوۃ ادا کروں؟

اب تک جتنا فلیٹ تعمیر ہو چکا ہے، اس کی قیمت کسی پراپرٹی کے ماہر سے لگوائی جائے۔ اگر یہ قیمت ساڑھے سات تولے سونے کی موجودہ قیمت کے برابر یا اس سے زیادہ ہو تو اس پر ہر سال اڑھائی فیصد (٪2.5) زکوٰۃ ادا کرنا فرض ہوگی۔ نیز فلیٹ فروخت کرنے کے بعد بھی اگر حاصل ہونے والی رقم نصاب کو پہنچتی ہو تو اس پر بھی سال گزرنے پر زکوٰۃ فرض ہوگی۔