مقروض پر زکوۃ کا حکم

میری بیوی کے پاس 10 تولہ سونا ہے اور اس کے ذمہ کچھ قرض بھی ہے، کیا اس صورت میں زکوۃ فرض ہے؟ اگر فرض ہے تو اس کی ادائیگی کس کے ذمہ ہے؟

سونے کی مالک آپ کی بیوی ہے، تو زکوۃ کی ادائیگی بھی اس کے ذمہ لازم ہے۔ لہذا اگر اس کے پاس کوئی تجارتی مال موجود نہیں ہے، نہ اس کے پاس کوئی رقم موجود ہے اور نہ ہی چاندی وغیرہ کی صورت میں زیورات موجود ہیں، تو پھر ایسی صورت میں اس قرض کا حساب لگا کر اتنی مقدار کے سونے کو منھا کر (حساب سے نکال) دیں گے۔ بقیہ سونا اگر ساڑھے سات تولے یا اس سے زائد موجود ہے تو سال گزرنے کی صورت میں اس پر اڑھائی فیصد (٪2.5) زکوۃ فرض ہے۔