قضا نمازوں کا فدیہ

زید نے اپنی وفات سے کچھ وقت پہلے وصیت کی کہ میری زندگی میں جتنی نمازیں قضا ہوئی ہیں، اُن کا فدیہ میرے ذمے باقی ہے، لہٰذا میری طرف سے یہ فدیہ ادا کیا جائے۔ تو کیا یہ فدیہ مالِ وراثت سے ادا کیا جائے گا، یا ورثا اپنے طور پر ادا کریں گے؟ کیوں کہ ورثا میں کچھ افراد نابالغ ہیں، جن کی اجازت بھی شرعاً قابل اعتبار نہیں۔

​متوفی کی وصیت کی صورت میں نمازوں کا فدیہ مالِ وراثت کے ایک تہائی حصے سے ادا کیا جائے گا۔ ورثا کی اجازت ضروری نہیں۔ اور ایک نماز کا فدیہ 1700 گرام گندم ہے۔