کیا موزوں پر مسح پاؤں دھونے کے قائم مقام ہے؟

سردی سے حفاظت کے لیے پاؤں پر لیدر اور ریگزین کے موزے پہنے جاتے ہیں۔ اور وضو کرتے وقت ان کو اتارا نہیں جاتا، بلکہ صرف مسح کرلیا جاتا ہے، تو کیا جب موزے پہنے ہوں تو ان کو اتار کر پاؤں کا دھونا وضو میں ضروری نہیں رہتا؟ اس کی تفصیل سے آگاہ کریں۔

لیدر اور ریگزین یا اس جیسے میٹریل سے بنے ہوئے موزے اگر وضو کی حالت میں پہن لیے جائیں تو دوبارہ وضو کے وقت ان پر صرف تین انگلیوں کی مقدار مسح کرلینا کافی ہے۔ ان کو اتار کر پاؤں کا دھونا ضروری نہیں۔ یہ مسح مقیم کے لیے ایک دن ایک رات اور مسافر کے لیے تین دن تین راتوں تک جائز ہے۔ اس مدت کے بعد موزے اُتار کر پاؤں کا دھونا ضروری ہے۔