منزل تک پہنچنے کے دو راستے ہونے کی صورت میں قصر کا حکم

عمر نے اپنے گھر سے کسی ایسے شہر کا سفر کیا جہاں جانے کے دو راستے ہیں: ایک راستہ ساٹھ کلومیٹر ہے، یعنی شرعی مسافت سے کم ہے، جب کہ دوسرے راستے کی مسافت (80 کلومیٹر) ہے، جو شرعی مسافت سے زیادہ ہے۔ اور عمر نے کسی وجہ سے طویل راستے سے سفر کیا، تو کیا ایسی صورت میں وہ شرعی طور پر مسافر ہوگا یا نہیں؟

​​سفر میں جس راستے کو اختیار کیا جائے، اسی کی مسافت کا اعتبار ہوگا۔ چناں چہ اگر عمر نے وہ راستہ اختیار کیا ہے جو (77 کلومیٹر) سے زیادہ ہے تو مسافر ہوجائے گا۔ اگرچہ اس شہر میں جانے کے لیے دوسرا راستہ شرعی مسافت سے کم ہی کیوں نہ ہو۔​