روزہ رکھ کر بیرونِ ملک سفر کرنے کی صورت میں افطار کس ملک کے وقت کے مطابق کیا جائے؟

مجھے اکثر پاکستان اور یوکے کے درمیان سفر کرنا ہوتا ہے۔ اگر صبح 8 بجے لاہور سے چلتا ہوں، تو لندن شام 5 بجے پہنچوں گا۔ اور روزہ افطار ہونے میں قریباً 3 گھنٹے رہتے ہوں گے۔ ایسے میں افطار کس ملک کے وقت کے مطابق ہوگا؟

ایک ملک سے دوسرے ملک سفر کرنے والا شخص اسی ملک کے اعتبار سے روزہ افطار کرے گا، جہاں وہ غروب آفتاب کے وقت موجود ہو، لہذا لندن میں جس وقت سورج غروب ہو، اس وقت روزہ افطار کیا جائے۔