طلاق بائن کے بعد رجوع کا طریقہ

نکاح و طلاق

​میری بھانجی کو اس کے شوہر نے ان الفاظ کے ساتھ میسج کیا "تم کو اپنی بیوی معاہدے کے طور پر تعلق ختم ہونے کا اعلان کرتا ہوں، تمہیں جلد ہی کاغذات مل جائیں گے" اور اس کے چار ماہ بعد شوہر نے رجوع کیا۔ کیا اس کا نکاح برقرار ہے؟​

​الجواب حامداً و مصلیاً و مسلماً​​سوال میں مذکورہ الفاظ طلاقِ بائن کا حکم رکھتے ہیں، لہٰذا پوچھی گئی صورت میں سائل کی بھانجی پر ایک طلاقِ بائن واقع ہوگئی ہے، جس کے نتیجے میں وہ اپنے شوہر کی زوجیت سے خارج ہوچکی ہے۔ اب دونوں شرعی طور پر تجدید نکاح کے بغیر ایک ساتھ نہیں رہ سکتے۔​​تجدید نکاح کا طریقہ یہ ہے کہ زوجین باہم رضامندی سے کم از کم دو گواہوں کی موجودگی میں نئے مہر کے تعین کے ساتھ دوبارہ نکاح کریں۔ دوبارہ نکاح کی صورت میں شوہر کے پاس صرف دو طلاقوں کا حق باقی رہ جائے گا۔​​فقط واللہ تعالیٰ اعلم بالصواب​​