مورخہ 25 فروری 2025 بروز منگل ادارہ رحیمیہ علوم قرآنیہ (ٹرسٹ) لاہور کے زیر اہتمام دی اسلامیہ یونیورسٹی بہاولنگر کیمپس میں استقبال رمضان سیمینار کا انعقاد کیا گیا۔سیمینار کے مہمان خصوصی مولانا مفتی عبدالمتین نعمانی صاحب(صدر ادارہ رحیمیہ علوم قرآنیہ (ٹرسٹ) لاہور) تھےسیمینار کی صدارت ڈاکٹر عبد الحمید صاحب ( اسسٹنٹ پروفیسر ڈیپارٹمنٹ آف مینجمنٹ سائنسز) نے کی۔ نظامت کے فرائض جناب شیر محمد نے سر انجام دیے۔ سیمینار میں مولانا ظہیر صاحب(ممبر ریجنل کوآرڈینیٹر بورڈ ادارہ)، ڈاکٹر محمد اسلم (کوآرڈئنیٹر ضلع بہاولنگر)، جناب راؤ محمد عثمان بطور مہمان اعزاز شریک ہوئے۔
سیمینار کا آغاز تلاوت قرآن پاک سے ہوا جس کی سعادت حافظ عاقب قاسم نے حاصل کی۔ تلاوت کے بعد علی حسین شامی نے ہدیہ نعت پیش کیا۔ اس کے بعد مولانا محمد ظہیر نے ادارہ رحیمیہ علومِ قرآنیہ ٹرسٹ لاہور کا مختصر تعارف پیش کیا۔ اس کے بعد مہمان خصوصی جناب مولانامفتی عبد المتین نعمانی (صدر ادارہ رحیمیہ لاہور)نے موضوع "قیام عدل کی سماجی جہدوجہد اور اسلام کا نظام عبادات" پر رہنمائی دیتے ہوئے فرمایا کہ ماہ رمضان تربیت کا مہینہ ہے۔ یہ ماہ اعلیٰ اخلاق پیدا کرنے کی مشق فراہم کرتا ہے۔ یہ ایک ماہ کی تربیت سارا سال فائدہ دیتی ہے۔
آپ نے فرمایا کہ نبی اکرم صلی اللہ علیہ وسلم نے قرآن مجید کی تعلیم دی اور تزکیہ کیا۔ روزہ سب سے زیادہ تزکیہ کا ذریعہ ہے۔ یہ ریا کاری سے پاک ہوتا ہے۔ یہ بھوک کا احساس پیدا کرتا ہے۔ روزہ خواہشات نفسانی کو کنٹرول کرتا ہے۔ حکمت روزہ سامنے ہو تو روزے کا فائدہ سمجھ میں آتا ہے۔ آپ نے اساتذہ کرام پر زور دیا کہ وہ طلبہ و طالبات کو دین اسلام کی اعلیٰ تعلیمات سے روشناس کروائیں۔ دین اسلام مکمل نظام حیات ہے۔ ماہ رمضان اس کی عملی مشق کا مہینہ ہے۔ روزے کے ذریعے اللہ تعالیٰ کا قرب حاصل ہوتا ہے۔
سیمینار میں اساتذہ اور طلبہ کی کثیر تعداد نے شرکت کی۔ اسکے بعد صدر مجلس ڈاکٹر عبد الحمید ( اسسٹنٹ پروفیسر ڈیپارٹمنٹ آف مینجمنٹ سائنسز) نے کلمات تشکر ادا کیے۔ آخر میں اس بابرکت سیمینار کا اختتام مہمان خصوصی حضرت مولانامفتی عبد المتین نعمانی صاحب کی دعا سے ہوا۔
رپورٹ: ڈاکٹر محمد سلیم . بہاولنگر
1
2
3
4
5
6
7
