ہوائی جہاز میں نماز کا حکم

 ہوائی جہاز میں نماز پڑھنے سے ادا ہو جائے گی یا اس کو دوبارہ ادا کرنا پڑے گا؟

​فقہاء نے ہوائی جہاز میں نماز ادا کرنے کو کشتی پر قیاس کرتے ہوئے درست قرار دیا ہے۔ جس طرح کشتی میں نماز جائز ہے اسی طرح ہوائی جہاز میں بھی درست ہے۔ دیگر شرائط (استقبالِ قبلہ اور قیام وغیره) کا لحاظ رکھنا ضروری ہے۔
جس طرح کشتی یا بحری جہاز میں بواسطہ پانی زمین کے ساتھ اتصال ہے اسی طرح ہوائی جہاز میں بھی بواسطہ ہوا و فضا زمین کے ساتھ اتصال موجود ہے۔ لہذا سجدہ جو کہ وضع الجبھۃ على الارض (زمین پر پیشانی رکھنا) ہے، بالواسطہ زمین پر ہی ادا ہوتا ہے، اس لیے ہوائی جہاز میں نماز صحیح ہوگی۔​