بیوہ، ماں، تین بیٹوں اور دو پوتیوں میں تقسیمِ ترکہ

مرحوم نور العالم کی وراثت کے حوالے سے شرعی رہنمائی درکار ہے۔ ورثا میں مرحوم کی بیوہ، ماں، تین بیٹے اور دو پوتیاں ہے۔ وراثت کی تقسیم کے حوالے سے فتویٰ مطلوب ہے۔

مرحوم نور العالم کے ترکہ سے حقوقِ متقدمہ کی ادائیگی (یعنی تجہیز و تکفین کے متوسط اخراجات، مرحوم کے ذمہ واجب الادا قرض کی ادائیگی، اور جائز وصیت کی صورت میں اسے ایک تہائی ترکہ تک نافذ کرنے) کے بعد، باقی ماندہ ترکہ 72 حصوں میں تقسیم ہو گا، جن میں سے مرحوم کی بیوہ کو 9 حصے (%12.5)، مرحوم کی والدہ کو 12 حصے (%16.66)، مرحوم کے 3 بیٹوں میں سے ہر ایک کو 17 حصے (%23.61) از روئے شرع ملیں گے، جبکہ مرحوم کی دونوں پوتیاں بیٹوں کی موجودگی میں محروم ہوں گی۔