ہوائی جہاز میں سورج نظر آنے سے مغرب کی نماز اور روزے کا اعادہ

 ایک شخص فرینکفرٹ (مغربی جرمنی) کے راستے کینیڈا جانے کے لیے ہوائی جہاز پر مغرب کی نماز پڑھ کر سوار ہوا جہاز مغرب کی طرف کچھ چلا تو سورج دوبارہ نظر آنے لگا کیا۔ اس شخص پر مغرب کی نماز دوبارہ پڑھنا ضروری ہوگا؟ اسی طرح روزہ دار نے افطار کر لیا تو اس کا روزہ صحیح ہوگا یا نہیں؟

اس شخص پر دوبارہ مغرب کی نماز پڑھنا واجب نہیں اور روزہ دار کا روزہ بھی صحیح ہوگا۔ البتہ دوبارہ غروب تک کھانے پینے سے احتراز ضروری ہے۔