بلا ضرورت سجدہ سہو کرنے سے نماز کا حکم

اگر سجدہ سہو کی ضرورت نہیں تھی لیکن پھر بھی کردیا تو نماز پر کوئی فرق پڑے گا؟

​وجوب کے اسباب کے بغیر بلا ضرورت سجدہ سہو کرنا نماز میں ایک زائد فعل کا اضافہ ہے، اس لیے بلا ضرورت سجدہ سہو کرنا جائز نہیں ہے۔ البتہ اگر کسی شخص کو یہ گمان ہوا کہ اس پر سجدہ سہو واجب ہوگیا ہے اور سجدہ سہو کرنے کے بعد اس کو معلوم ہوا کہ اس پر سجدہ سہو لازم نہیں تھا، تو اس صورت میں اس کی نماز درست ہوجائے گی، اعادہ کی ضرورت نہیں۔