شوہر کی اجازت کے بغیر اس کے پیسے خرچ کرنا

کیا شوہر کی اجازت کے بغیر اس کے پیسے اپنے خرچ کے لیے اٹھانا جائز ہے؟

​بیوی کا نان و نفقہ شوہر پر واجب ہے، اس لیے جو اخراجات نان و نفقہ کے دائرے میں آتے ہوں اور شوہر استطاعت کے باوجود اخراجات ادا نہ کرے بلکہ بخل سے کام لے تو بیوی ضرورت کی حد تک، بغیر اسراف کے، اس کی اجازت کے بغیر لے سکتی ہے۔
لیکن اس کو عادت بنا لینا میاں بیوی کے اعتماد اور ان کے باہمی تعلق میں بگاڑ کا سبب بن سکتا ہے، لہذا بہتر یہ ہے کہ شوہر کو اعتماد میں لے کر اپنی جائز ضروریات اس کے سامنے رکھی جائیں اور شوہر کو بھی چاہیے کہ حسبِ استطاعت بیوی کی ضروریات کو پورا کرے اور ان سے چشم پوشی نہ برتے۔ ورنہ شوہر مالی وسعت ہونے کے باوجود نان و نفقہ کے جائز حقوق ادا نہ کرنے پر گنہگار ہوگا۔​