مرض الموت میں ہبہ کا حکم

زید نے مرض الموت میں اپنی جائیداد کا 1/4 حصہ چھوٹے بیٹے کی تعلیم کے لیے اس کو ہبہ کردیا اور تین روز بعد زید کا اسی مرض میں انتقال ہوگیا۔ زید کے پانچ بیٹے اور دو بیٹیاں اور ایک بیوہ زندہ ہیں۔ کیا زید کی وراثت میں سے 1/4 حصہ چھوٹے بیٹے کو بطورِ ہبہ دیا جائے گا یا نہیں؟ اور کیا وہ چھوٹا بیٹا بقیہ وراثت میں بھی حق دار ہے یا نہیں؟

مرض الموت میں ہبہ وصیت کا حکم رکھتا ہے اور شرعاً وارث کے لیے وصیت درست نہیں۔ اس لیے چھوٹے بیٹے کو بھی دیگر برادران کے برابر ترکے میں سے حصے ملے گا اور ہبہ کالعدم شمار ہوگا۔