دفتری انٹرنیٹ ذاتی استعمال میں لانا

میرا سوال یہ ہے کہ آیا سرکاری ملازم اپنے جائز استعمال کے لیے سرکاری دفتر کا انٹرنیٹ استعمال کرسکتا ہے؟ صورت حال یہ ہے کہ استعمال لامحدود ہونے کی وجہ سے زیادہ استعمال کرنے سے بل میں کوئی اضافہ نہیں ہوتا، مہینے کے بعد بہت سارا ڈیٹا بچ جاتا ہے، فراغت کے اوقات میں استعمال کرنے سے دفتری کام میں خلل بھی واقع نہیں ہوتا اور سرکار یا افسران کی طرف سے کوئی ممانعت بھی نہیں۔

​اگر متعلقہ ادارے کی طرف سے واضح ممانعت نہ ہو، بل میں اضافہ نہ ہو اور دفتری امور میں بھی کوئی خلل نہ آئے، تو جائز حد تک استعمال کی گنجائش ہے۔ تاہم اصولی طور پر پیشگی اجازت لینا موزوں طریقہ ہے۔