میقات سے بغیر احرام گزرنے کا حکم

ایک شخص مدینہ منورہ سے مکہ مکرمہ عمرہ کی نیت سے گیا لیکن میقات سے بغیر احرام کے گزرا اور عمرہ ادا کرلیا تو کیا اس پر دم لازم ہے؟

احرام کے بغیر میقات سے گزرنے کی صورت میں شرعاً دم لازم آتا ہے، یعنی حدودِ حرم میں ایک چھوٹا جانور (بکرا یا دنبہ) ذبح کرکے اس کا گوشت فقراء و مساکین پر صدقہ کرنا واجب ہوتا ہے۔ اس دم کا گوشت نہ خود دم دینے والا کھا سکتا ہے اور نہ ہی مالدار افراد کے لیے اس کا کھانا جائز ہے۔
لہٰذا صورتِ مسئولہ میں مذکورہ شخص چونکہ بغیرِ احرام میقات سے گزرا ہے اس لیے اس پر دم لازم ہے۔​