سوتیلی دادی کی بیٹی سے نکاح کا حکم

زید نے ہندہ سے شادی کی۔ ہندہ کی ایک بیٹی پہلے شوہر سے ہے۔ دریافت طلب امر یہ ہے کہ کیا زید اپنے پوتے کا نکاح ہندہ کی اس بیٹی سے کر سکتا ہے؟

دادا کی منکوحہ (پوتے کی سوتیلی دادی) کی بیٹی جو کسی دوسرے شوہر سے ہے، اس سے زید کے پوتے کا نکاح شرعاً جائز ہے، کیوں کہ باپ کے منکوحہ (سوتیلی ماں) کی طرح دادا کی منکوحہ (سوتیلی دادی) خود تو حرام ہوجاتی ہے، لیکن سوتیلی دادی کی بیٹی سے محرمیت کا کوئی رشتہ قائم نہیں ہوتا لہذا زید کے پوتے کا اپنے سوتیلی دادی کی بیٹی سے نکاح شرعاً جائز ہے۔