صاحبِ نصاب اور غیر صاحبِ نصاب کا مشترکہ جانور گم ہو جانے کی صورت میں قربانی کا حکم

غیر صاحبِ نصاب شخص نے صاحبِ نصاب کے ساتھ مل کر قربانی کا جانور خریدا اور خریدنے کے بعد جانور گم ہوگیا تو اب قربانی کا کیا حکم ہے؟

​اگر قربانی کا جانور گم ہوجائے تو شرعی حکم یہ ہے کہ صاحب نصاب شخص پر اس کا بدل یعنی دوسرے جانور کی قربانی لازم ہوگی جب کہ غیر صاحب نصاب شخص پر دوسری قربانی واجب نہیں۔ البتہ اگر مالی وسعت ہو تو وہ اپنی خوشی سے دوسری قربانی کرسکتا ہے۔