فرض نماز پڑھنے کے بعد جماعت میں شریک ہونا

ایک شخص تنہا عشا کی نماز‘ وتر و سنن کے ساتھ مکمل کرچکا, اس کے بعد عشا کی نماز کی جماعت ہونے لگی تو وہ بھی اس نماز میں شریک ہوگیا۔ تو ایسے نمازی کو وتر و سنن دوبارہ پڑھنے ہوں گے یا نہیں؟

اس صورت میں فرض نماز تو وہی ہے، جو وہ پہلے پڑھ چکا ہے اور سنن و وتر بھی ادا کرچکا ہے۔ بعد میں جماعت والی نماز جس میں شرکت ہوئی ہے، وہ نفل ہے۔ اس لیے اس کو دوبارہ وتر وغیرہ نہیں پڑھنے چاہئیں.