عمامہ پہن کر نماز پڑھانا افضل ہے

ٹوپی پہن کر نماز پڑھانا جائز ہے یا نہیں؟ ہماری مسجد میں اس کا بہت جھگڑا چل رہا ہے۔ اگر امام عمامہ نہ باندھے اور ٹوپی پہن کر نماز پڑھا دے تو نمازیوں کے ایک طبقے کا اصرار ہے کہ نماز نہیں ہوتی یا مکروہ ہوتی ہے۔

ٹوپی پہن کر نماز پڑھنا، پڑھانا بلا شبہ درست ہے۔ کوئی حدیث یا فقہ کی عبارت ایسی نہیں، جس سے یہ ثابت ہوتا ہو کہ بغیر عمامہ کے امامت جائز نہیں۔ عمامہ پہن کر نماز پڑھنا افضل ہے، مگر بغیر عمامہ کے امامت کرنا مکروہ نہیں۔ بغیر علم کے مسائل دینیہ میں جھگڑے سے بچنا چاہیے۔