اذان دیتے وقت ہاتھ جیب میں ڈالنا

میرے گھر کے قریب ایک مسجد ہے، وہاں کا مؤذن اذان دیتے وقت اپنے ہاتھ جیب میں ڈال لیتا ہے۔ کیا اس طرح اذان دینا درست ہے؟ کیا ایسے مؤذن کے پیچھے نماز ادا کرنا جائز اور صحیح ہے؟

​اذان دیتے وقت دونوں کانوں میں انگلی ڈالنا مستحب ہے، تاہم کسی معقول عذر کے بغیر ایسا کام کرنا جو لوگوں کے درمیان تشویش کا باعث بنے مناسب نہیں۔ البتہ اس طرح اذان دینے سے اذان ہو جائے گی اور اس کے بعد ادا کی جانے والی نماز شرعاً درست ہوگی۔ نیز اگر یہی مؤذن بعد میں نماز کی امامت کرتے ہیں، تو ان کی اقتدا میں نماز ادا کرنا بھی درست ہے۔