نکاح سے پہلے عورت سے ملاقات اور بات چیت کا حکم

جب اسلام پسند کی شادی کی اجازت دیتا ہے، تو اس کے لیے لڑکا اور لڑکی کا ایک دوسرے کو جاننا بہت ضروری ہے۔ تو کیا وہ شادی سے پہلے کچھ عرصہ ایک دوسرے کو سمجھنے کے لیے میل جول یا بات چیت کرسکتے ہیں؟

اسلام میں پسند کی شادی کرنا جائز ہے اور اس کے لیے اس حد تک اجازت دی گئی ہے کہ لڑکا، لڑکی کو ایک نظر دیکھ لے۔ لیکن چوں کہ شادی سے قبل دونوں ایک دوسرے کے لیے نامحرم ہیں، تو بات چیت اور میل جول جائز نہیں۔ البتہ جن امور کے حوالے سے تسلی مطلوب ہو، وہ گھر کی خواتین کے ذریعے کر لی جائے۔