مسلم و غیر مسلم میت کی شناخت ممکن نہ ہونے کی صورت میں نماز جنازہ کا حکم

​ایک مکان میں آگ بھڑک اٹھی، جس میں مسلم و غیر مسلم متعدد افراد جل گئے اور ان کی شناخت بالکل ختم ہوچکی ہے۔ اب ان کی نمازِ جنازہ اور تدفین کے دیگر احکامات کی کیا صورت ہوگی؟

آگ میں جھلسنے کی وجہ سے اگر نعشوں کی شناخت ممکن نہ رہے، تو ان کی تجہیز و تکفین اور نمازِ جنازہ کا شرعی حکم یہ ہے کہ اگر نعشیں قابلِ غسل ہوں، تو ان سب کو غسل دیا جائے اور کفن پہنایا جائے۔ پھر نمازِ جنازہ کے وقت تمام میتوں کو سامنے رکھا جائے اور نیت صرف ان افراد کی کی جائے، جو مسلمان ہوں۔