والد، والدہ، شوہر، دو بیٹے اور تین بیٹیوں میں تقسیمِ ترکہ

ایک خاتون قضائے الٰہی سے وفات پاگئیں، جس کے ورثا میں شوہر، والد، والدہ، دو بیٹے اور تین بیٹیاں زندہ موجود ہیں۔ خاتون کی وراثت کیسے تقسیم ہوگی؟

​متوفیہ کی کل جائیداد میں سے تجہیز و تکفین کا خرچہ، اس پر کوئی قرض ہو تو اس کی ادائیگی اور اگر اس نے کوئی جائز وصیت کی ہو تو بقیہ ترکہ کے ایک تہائی میں اسے نافذ کرنے کے بعد باقی منقولہ و غیر منقولہ ترکہ کے کلچوراسی (84) حصے ہوں گے، جن میں سے چودہ حصے والد کو ، چودہ حصے والدہ کو، اکیس حصے شوہر کو، دس دس حصے ہر ایک بیٹے کو اور پانچ پانچ حصے ہر ایک بیٹی کو از روئے شرع ملیں گے۔​