کیا وقتی نماز سے پہلے قضا نماز پڑھنا ضروری ہے؟

اگر دن میں ایک سے زیادہ فرض نمازیں قضا ہو گئی ہوں اور اب عشاء کا وقت ہو چکا ہو، تو پہلے وقت کی نماز ادا کرنی چاہیے، یا قضا نمازیں پڑھنی چاہییں؟ اس صورت میں نمازوں کی ترتیب کے بارے میں کیا حکم ہے؟ براہِ کرم رہنمائی فرمائیں۔

​جس شخص کی نمازیں قضا ہوئیں ہیں، اگر وہ صاحبِ ترتیب ہے (یعنی بلوغت کے بعد سے لے کر اب تک اس کی چھ سے کم نمازیں قضا ہوئیں ہیں) تو وقت کی نماز سے پہلے اس کے لیے قضا نمازیں پڑھنا ضروری ہے، بشرط یہ کہ وقتی نماز قضا ہونے کا اندیشہ نہ ہو۔ البتہ جو شخص صاحبِ ترتیب نہ ہو، اسے اختیار ہے کہ پہلے وقت کی نماز پڑھے یا قضا نماز ادا کرے۔