طلاقِ رجعی کی عدت گزرنے کے بعد تجدید نکاح کا حکم

ایک شخص نے اپنی بیوی کو ایک طلاقِ رجعی دے دی۔ عدت ختم ہوجانے کے بعد دونوں سابقہ میاں بیوی اپنی ازدواجی حیثیت بحال کرنا چاہتے ہیں۔ براہِ کرم شرعی رہنمائی فرمائیں کہ ان کے لیے نکاحِ جدید اور مہرِ جدید ضروری ہے یا سابقہ نکاح کو کسی صورت میں درست کہا جاسکتا ہے؟

​طلاقِ رجعی کی عدت ختم ہوجانے کے بعد رجعی نہیں، بلکہ طلاقِ بائنہ ہوجاتی ہے۔ اس لیے دوبارہ ازدواجی حیثیت بحال کرنے کے لیے نئے سرے سے نکاح کرنا اور نیا مہر مقرر کرنا ضروری ہے۔ دو آدمیوں کے سامنے ایجاب و قبول کرنا کافی ہے۔ اور مہر اپنی رضامندی سے طے کرلیں، جس کی مقدار کم ازکم 31 گرام چاندی یا اس کی قیمت ہے۔