حالت جنابت میں سحری اور روزے کا حکم

رمضان المبارک میں بوقت سحری ایک شخص کو احتلام ہوا، اور اُسے یقین ہے کہ غسل کرنے کے بعد کھانے کا وقت باقی رہے گا، مگر اس نے کاہلی کی وجہ سے غسل نہیں کیا اور کھانا کھا لیا تو کیا اس کا روزہ درست ہوجائے گا یا نہیں؟

جنابت کی حالت میں ہاتھ منہ دھوئے بغیر کھانا پینا خواہ رمضان المبارک میں ہو یا دوسرے دنوں میں، خلافِ اولیٰ ہے۔ بہتر ہے کہ سحری کھانے سے قبل غسل کرے یا وضو یا کم از کم ہاتھ دھوئے۔ البتہ ناپاک ہونے کی وجہ سے روزہ پر کوئی فرق نہیں پڑے گا۔