دانتوں پر خول چڑھے ہونے کی صورت میں وضو اور غسل کا حکم

آج کل دانتوں پر سونے اور چاندی کے خول چڑھائے جاتے ہیں، جن سے پورا دانت خول میں چھپ جاتا ہے۔ کیا یہ شرعاً جائز ہے؟ اور کیا وضو اور غسل میں کوئی حرج تو نہ ہوگا؟

دانتوں کو سونے یا چاندی کا خول پہنانا، اگر دانتوں کے کسی مرض یا اندیشہ مرض کی وجہ سے ہو تو جائز ہے۔ البتہ محض زینت کے لیے سونے یا چاندی کا خول دانتوں پر چڑھانا مکروہ ہے۔ دونوں صورتوں میں اگر خول کا اُتارنا اور پہننا مشکل ہو تو دانتوں کے حکم میں ہے۔ اور وضو و غسل میں کچھ حرج واقع نہ ہوگا۔