Category
Fatwa Number
Question
عصر کی جماعت ہورہی تھی اور مقتدی کو صرف آخری ایک رکعت جماعت کے ساتھ ملی۔ اب وہ بقیہ تین رکعتین کیسے مکمل کرے؟
Answer
جس شخص کو چار رکعت والی نماز ظہر یا عصر یا عشا میں امام کے ساتھ ایک رکعت ملی تو وہ شخص امام کے سلام کے بعد کھڑا ہوکر درجِ ذیل طریقے سے اپنی بقیہ نماز مکمل کرے گا:
امام کے سلام پھیرنے کے بعد کھڑا ہوکر ثناء، تعوذ، سورہ فاتحہ اور اس کے ساتھ کوئی دوسری سورت پڑھے۔ اور رکوع و سجدہ کرکے تشہد کے لیے بیٹھ جائے، اس لیے کہ اس کی دو رکعتیں مکمل ہوگئیں۔ ایک رکعت امام کے ساتھ اور ایک رکعت امام کے بعد۔ اب تشہد میں التحیات پڑھ کر اُٹھ کھڑا ہو اور تیسری رکعت میں کھڑے ہو کر سورہ فاتحہ اور کوئی سورت پڑھ کر رکوع اور سجدہ کرے۔ دو سجدوں کے فوراً بعد چوتھی رکعت کے لیے اُٹھ کھڑا ہو اور صرف سورۃ فاتحہ پڑھے۔ اس رکعت کا رکوع و سجدہ کرکے التحیات اور درود شریف و دعا پڑھ کر سلام پھیر دے۔
