مسبوق کا غلطی سے امام کے ساتھ سلام پھیرنا

مسبوق (جو پہلی رکعت کے بعد امام کے ساتھ نماز میں شامل ہوا) نے امام کے ساتھ سلام پھیر دیا، لیکن فوری اس کو یاد آگیا کہ اس کے ذمے ابھی کچھ رکعتیں باقی ہیں۔ چناں چہ اس نے کھڑے ہوکر بقیہ رکعتیں مکمل کیں، اور سلام پھیرا۔ کیا اس طرح اس کی نماز درست ہوئی؟

​بھول کر امام کے ساتھ سلام پھیرنے سے مسبوق کی نماز فاسد نہیں ہوتی۔ البتہ سجدہ سہو واجب ہوجاتا ہے، اس لیے بقیہ رکعتیں مکمل کرنے کے بعد سجدہ سہو کرے گا۔ بصورتِ دیگر نماز کا اعادہ کرنا پڑے گا۔​