Category
Fatwa Number
Question
اگر دو دوست آپس میں یہ کہیں کہ: "اگر میں نے یہ کام نہ کیا تو میری بیوی کو طلاق ہو اور اگر کر لیا تو تمہاری بیوی کو طلاق ہو" تو کیا اس سے طلاق ہو جائے گی؟
Answer
صورت مسئولہ میں جس دوست نے اپنی زبان سے یہ الفاظ ادا کیے: "اگر میں نے یہ کام نہ کیا تو میری بیوی کو طلاق ہو" یہ طلاقِ معلق (Conditional Divorce) ہے، جس کا حکم یہ ہے کہ: اگر شرط پوری ہو (یعنی اگر شوہر نے وہ کام نہ کیا) تو اس کی بیوی پر ایک رجعی طلاق واقع ہوجائے گی۔ اور اگر شرط پوری نہ ہو (یعنی شوہر نے وہ کام کر لیا) تو اس کی بیوی پر طلاق واقع نہیں ہوگی۔
نیز دوسرے دوست کی بیوی کے بارے میں جب یہ کہا کہ: "اگر میں نے یہ کام کیا تو تمہاری بیوی کو طلاق ہو"، اس صورت میں جس دوست کے ساتھ یہ بات ہوئی تھی اور اس شرط پر اس وقت اس نے اپنی واضح رضامندی ظاہر کی تھی تو شرط (یعنی جیسے ہی وہ دوست مشروط کام انجام دے گا) کے پائے جانے پر اس دوسرے دوست کی بیوی پر طلاق واقع ہوجائے گی۔ البتہ اگر اِس دوسرے دوست نے اُس وقت رضامندی ظاہر نہیں کی تھی تو اِس کی بیوی کو (شرط چاہے پوری ہو یا نہ ہو) طلاق نہیں ہوگی۔
واللہ تعالیٰ اعلم بالصواب
