Dua on Oct 28, 2026

  اے اللہ! 
 اے وہ ذات جس نے پیدا فرمایا تو بے مثال پیدا فرمایا، جس نے رہنمائی فرمائی تو مطمئن کر دیا، جس نے نوازا تو خوب نوازا، 
 اے وہ ذات جس کے لیے دنیا اور آخرت میں تمام تعریفیں ہیں ! 
 مجھے اور میرے پیاروں کو اپنی ذات کے ذریعے اپنی مخلوق میں سب سے زیادہ بے نیاز اور اپنے بندوں میں سب سے زیادہ اپنا محتاج بنا دیجئے۔ 
 ہم پر ایسی رحمت فرما دیجئے جو ہمیں اپنے سوا ہر ایک سے بے نیاز کر دے، ہماری آرزوؤں کو پورا فرما دیجئے، 
 اے ہمارے رب ! 
 ہماری بےچینی و پریشانی دور فرما دیجئے، اور ہمیں اپنی امان اور اپنی حفاظت میں رکھیے۔ 
 اے اللہ! 
 ہمارے قرض ادا فرما دیجئے، ہمارے بیماروں کو شفا عطا فرما دیجئے، ہمارے فوت شدگان اور تمام مسلمانوں کے فوت شدگان پر رحم فرما دیجئے۔ 
  
 آمین یا رب العالمین 
​