Dua on Feb 26, 2022

اے اللّٰہ!
اے زمین میں پیوست پہاڑوں کو (انسانوں) کے قابو میں دینے والے ! 
اے آسمانوں اور زمین کے تھامنے والے ! 
دنیا کی ان نعمتوں تک ہماری رسائی (قابو) دے دیجیے ، جنہیں کسی آنکھ نے نہ دیکھا ہو ، نہ (انسانی)  کانوں نے ان کے بارے میں سنا ہو اور نہ ہی کسی انسان کے دل پر (ان کے بارے میں) کھٹکا ہوا ہو ۔ 
اے اللّٰہ!
زمینی لشکروں (جماعتوں) اور آسمانی فرشتوں کو ہمارے فائدے میں لگا دیجیے ، 
انسانی دلوں کو اور ان کو جو ہمارے معاملات (زندگی) کے ذمہ دار ہیں ، ہمارے کاموں میں مشغول کر دیجیے ، 
ہمارے گرد و پیش میں (موجود) اپنے پاکیزہ (عمدہ صفات) بندوں کو ہم سے متعلق کر دیجیے ، 
ہمیں دنیا کا مطلوبہ حصہ اور آخرت کی نعمت دے دیجیے ، 
اے ہر چیز پر قادر ذات ! ، اے پروردگار !
ہر مشکل کام کو ہمارے لیے آسان کر دیجیے ، 
اے اللّٰہ!
ہماری حاجتوں کے پورا ہونے میں اپنی قدرت کے حیرت انگیز فیصلے  ظاہر کردیجیے ، 
ہمیں وہاں سے رزق (وسائل زندگی) دیجئے جہاں سے ہمیں گمان بھی نہ ہو ، 
 ہماری (کمزوریوں کو) اس طرح سنوار دیجیے کہ جس پر آسمانوں اور زمین والے حیران رہ جائیں ، 
اور ہماری ان (عناصر) کے خلاف مدد کیجئے جو ہم پر ظلم روا رکھیں ۔

اے اللّٰہ! آپ ہمارے آقا اور ہمارے محبوب حضرت محمد ﷺ پر ، آپ کی آل پر اور آپ کے تمام صحابہ کرام پر اپنی رحمتیں نازل فرمائیے ، سلامتی دیجیے اور برکت عطا فرمائیے