Dua on Jul 23, 2022

اے اللّٰہ!
ہمارے آنے والے دنوں کو ایسا بنادیجیے کہ وہ : 
ہماری بوئی (مانگی) ہوئی دعاؤں کی پیداوار (عملی نتائج) ہوں،
ایسی لگاتار خوشخبریاں ہوں ، جن کا ہمیں انتظار ہے ، 
نہ فنا ہونے والی نعمت ہوں ، 
آنکھوں کی نہ منقطع ہونے والی ٹھنڈک ہوں  ،
اور ایسی کشادگی والے ہوں ، جس کے سبب ہمارے لئے دل میں ، رزق میں  اور زندگی میں کوئی تنگی نہ رہے، 
اے اللّٰہ!
ہمارے وسائل رزق کو تا حدِّ نگاہ وسیع فرما دیجیے ، 
ہماری زندگی کا خاتمہ خوبصورت کر دیجیے ، 
ہماری قبریں وسیع (آرام دہ) کر دیجیے ، 
ہمیں اس دن اپنے عرش کے سائے میں جگہ دیجیے ، جس دن آپ کے عرش کے علاوہ کوئی سایہ نہیں ہوگا ، 
ہمارے نامہ اعمال کو دائیں (کامیاب) ہاتھ میں دے دیجیے ، 
اور ہمیں جنت میں بلند مقام عطا کر دیجیے ۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔۔