Dua on Nov 21, 2023

طلوع آفتاب سے پہلے اور غروب آفتاب سے پہلے کی دعا جس کے ذریعہ رسول اللہ صلی اللہ علیہ وسلم پناہ طلب فرماتے تھے۔
نبی اکرم ﷺ نے فرمایا : -
{میرے پاس حضرت جبریل علیہ السلام آئے ، تو انہوں نے کہا :
اے محمد ! آپ کہیے ، میں نے کہا ؛ میں کیا کہوں ؟ انہوں نے کہا ؛ آپ کہیے : 
(میں اللّٰہ تعالیٰ کے ان کامل کلمات (مبارک نام اور صفات) کے ذریعہ جن سے کوئی نیک انسان اور نہ ہی کوئی گناہگار تجاوز کر سکتا ہے ، اللّٰہ کی پناہ میں آتا ہوں ، ان تمام (مخلوقات) کے شر سے جن کو اس (اللّٰہ تعالیٰ) نے پیدا کیا، نیا وجود دیا اور زندگی بخشی، ان (فیصلوں) کے برے اثرات سے جو آسمان سے نازل ہوتے ہیں اور جو اس میں (بد اعمالیوں کی صورت میں) چڑھتے ہیں، اس کے شر سے جس کو زمین میں پیدا کیا اور اس کے شر سے جو زمین سے نکلتی ہے ، رات اور دن کے فتنوں کے شر سے ، اندھیرے میں بھلائی لانے کے علاوہ ہر اندھیرے میں آنے والے کے شر سے جب وہ آئے 
اے بہت زیادہ رحم کرنے والے ! (ہم پر رحم فرمائیے) }
(ابن السني ، عمل اليوم والليلة: باب من يخاف من مردة الشياطين)
اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔