Dua on May 19, 2024

ا ے اللّٰہ !
 اے وہ ذات جو اپنے عرش پر قائم ہوا، 
اے وہ ذات جس نے پیدا کیا پھر برابر (متوازن) بنایا، 
ہر ایک کے کمال کا اندازہ مقرر کیا پھر اس کے حصول کا راستہ بتایا، 
ہر چیز کو اس کی صورت دی پھر (حق وباطل میں فرق کا) راستہ سجھایا، 
آپ ہمارے گناہوں کو بخش دیجیے، ہم پر رحم فرمائیے، ہمیں عافیت دیجیے، ہم سے درگذر کیجیے اور ہمیں اندھیروں سے کامل روشنی کی طرف نکال دیجیے، 

اے اللّٰہ!
ہمیں آپ اپنے حکم سے اختلافی امور میں حق راہ دکھا دیجیے 
بیشک جسے آپ (اس کے ارادہ کے نتیجے میں) چاہتے ہیں سیدھے راستہ پر چلادیتے ہیں۔ 

 اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔