Dua on Oct 16, 2022

اے اللّٰہ!
ہم پر اپنی رحمت اور احسان کو حقیقت بنا دیجیے ، 
ہمیں اپنی مدد ، اپنے رزق اور اپنے احسان کے ساتھ فضیلت دے دیجیے ، 
ہم سے ہر مصیبت و سختی اور ہر ناپسندیدہ عمل و مشقت کو دور کر دیجیے ، 

اے اللّٰہ!
ہمارے حالات میں نرمی فرما دیجیے ، 
ہمیں عافیت دے دیجیے ، 
ہم سے درگزر فرمائیے ، 
ہر اس بیمار کی حالت پر مہربانی فرمائیے کہ جسے تکلیف ملی ہے ، 

اے اللّٰہ!
ان سب پر رحم فرمائیے جو ہم سے ، اپنے والدین ، اہل خانہ اور احباب سے جدا ہو گئے اور قبر کے مکین بن گئے ، 
اے اللّٰہ!
ان (مرحومین) کی تنہائی میں انس پیدا کر دیجیے ، 
ان کی قبروں کو روشن کر دیجیے ، 
ان کے گناہوں کو بخش دیجیے ، 
اور جنت میں ان کو ان کے مقام سے واقف کرا دیجیے ، 
اے مہربان ذات !
اپنی رحمت کے سبب (ہماری دعائیں قبول فرما لیجئے!) 
اے اللّٰہ!
ہمارے آقا ، ہمارے سردار اور ہمارے نبی حضرت محمد ﷺ پر ، آپ کی آل پر اور آپ کے تمام صحابہ کرام پر اپنی رحمتیں نازل فرمائیے ، سلامتی دیجیے ، (اپنا انعام) زیادہ کیجیے اور برکت عطا کیجیے ۔