Dua on Feb 14, 2021

اے میرے پروردگار ! 
ہمارے دلوں میں کچھ دعائیں اور تمنائیں ہیں جنہیں آپ کے سوا کوئی نہیں جانتا ، پس آپ انہیں پورا فرما دیجیے ، 
ہماری جانوں کو راحت دے دیجیے اور سینے صاف فرما دیجیے ، 

اے اللّٰہ ! بیشک ہم مستقبل ( آنے والے وقت ) کو آپ کے پاس بطور امانت حوالہ کرتے ہیں ، کہ ہم اس کے مخفی نتائج کو نہیں جانتے لیکن ہم یہ جانتے ہیں کہ آپ کی ذات بہترین مدبر اور جن کو ( حفاظت کے لحاظ سے ) امانتیں سپرد کی جاتی ہیں ان میں سب سے بہترین ہیں ، تو آپ ہمارے لئے آنے والے وقت کو گذرے ہوئے وقت سے زیادہ خوبصورت بنا دیجیے ، 

اے اللّٰہ ! ہمارا کوئی کام نہ رہے مگر اس طرح کہ آپ اسے آسان بنا دیں ، 
 نہ  ( مستقبل کے حوالے سے ہمارا ) کوئی منصوبہ ہو مگر اس طرح کہ آپ اسے پورا فرما دیں اور 
 نہ ہی کوئی دعا ہو مگر اس طرح کہ آپ اسے قبول فرما کر ہمارے دلوں کو تسکین عطا کر دیں ۔