Dua on Mar 11, 2021

اے اللّٰہ ! 
 جب زندگی تنگ ہوتی ہے ، تو آپ ہی ہمارے لیے کافی ہوتے ہیں ۔۔۔ 
جب درد ورنج غالب اتے ہیں ، تو آپ ہی اس وقت ہمارے مددگار ہوتے ہیں  ۔۔۔ 
جب کوئی تدبیر کارگر نہیں ہوتی ، تو آپ ہی ہماری اعانت اور نجات کا مرکز ہوتے ہیں۔۔۔۔ 
اے اللّٰہ ! 
بیشک آپ سے ہم سوال کرتے ہیں ۔۔۔ 
متقیوں والی راحت کا ، 
مومنوں والی سعادت کا ، 
صبر و استقامت والوں کے ثواب کا ،
نیکو کار لوگوں جیسی ( بامقصد و بامراد) دعا کا ،
اور اس کا کہ آپ ہمیں ، ہمارے والدین کو ، ہمارے احباب کو اور انہیں جن کا ہم پر حق ہے ، بخش دیجیے ۔۔۔ 
اے اقوام عالم کے پروردگار ! 

اے اللّٰہ ! 
اپنی بھلائی کی خوش خبریوں کے ساتھ ہماری صبح (ظاہر) فرما دیجیے اور اپنی بے پایا سخاوت  سے ہماری مدد فرما دیجیے ۔۔۔ 
آپ ہمارے لیے صبح کی ہوا کے خوشبودار جھونکوں کے ساتھ رزق ، سعادت اور عافیت ، مقرر فرما دیجیے ۔۔۔