Dua on Sep 10, 2023

اے اللّٰہ!
آپ ہی کے لیے تعریف ہے (اس پر) کہ آپ نے : 
اپنی مناجات (فریاد) میں شرحِ صدر کو ، 
اپنے سے دعا میں اطمینان اور امید کو ، 
اپنے سے مانگنے میں (دوسروں سے) بے نیازی کو ، 
اپنے سامنے انکساری (عاجزی) میں معاملات کی درستی کو ، 
اور اپنے سے قریبی تعلق میں راحت کو طے کردیا ہے۔
اے اللّٰہ!
ہم اپنی طاقت اور اپنی قوت سے بیزار ہوئے ، ہم  آپ کی قدرت اور طاقت کی پناہ اس حالت میں طلب کرتے ہیں کہ اپنے دلوں میں آپ کی شفقت کا یقین رکھے ہوئے ہیں ، 
ہم تپتے (پریشانی کے) دنوں میں آپ کی رحمت اور آپ کے سابقہ احسانات کو یاد کرنے میں سائے کے طلب گار رہتے ہیں
( اے اللّٰہ ! )
ہر بھلائی کا اول و آخر آپ ہی کی طرف سے ہے
پس آپ ہمارے لیے معاون و مددگار ہو جائیے ، 
اے مہربان ذات !
آپ ان لوگوں میں ہمارے نگران ہو جائیے جن کی آپ (خصوصی) نگرانی کرتے ہیں ۔

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے