Dua on Sep 10, 2022

اے اللّٰہ!
امید (پورا کرنے کے حوالہ سے) اے عظیم ذات ! 
اے وسیع نوازش والے ! 
ان کو بخش دیجیے کہ جن کے پاس دعاء کے علاوہ کچھ نہیں کیونکہ
بیشک آپ جو چاہیں ، کر گذرنے والے ہیں  ، 

اے وہ ذات ! جس کا نام (روحانی و جسمانی بیماریوں کا) علاج ہے ، جس کی یاد شفا بخش ہے اور جس کی فرمانبرداری (تمام چیزوں سے) بے احتیاج کرنے والی ہے ، 
ان پر رحم فرمائیے کہ جن کا بنیادی اثاثہ (آپ سے) امید کی وابستگی ہے ۔۔ 

اے نعمتیں مکمل کرنے والے ! 
اے سزائیں ختم کرنے والے ! 
اے اندھیروں میں پڑے وحشت زدہ انسانوں کے لیے روشنی ! 
ہمیں ، ہمارے والدین ، ہمارے احباب اور زندہ و فوت شدہ مسلمانوں کو بخش دیجیے ، 
اے اللّٰہ!
اے ارحم الراحمین ! 
 ہمارے تمام دنوں کو اپنی معافی ، اپنی عافیت اور اپنی رحمت سے ڈھانپ لیجیے ۔ 
اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔