Dua on Jun 08, 2022

رسول اللّٰہ ﷺ نے فرمایا : 
میرے رب نے مجھے سات باتوں کی تاکید کی ہے ، میں آپ کو ان کی وصیت کرتا ہوں ؛ اللّٰہ تعالیٰ نے مجھے حکم دیا :
1- ظاہر اور پوشیدہ (ہر حالت) میں اخلاصِ (ہر نیک کام میں اللّٰہ تعالیٰ کی خالص رضا کی نیت) کا ، 
2- صلح و ناراضگی (ہر دو حالتوں) میں عدل و انصاف کرنے کا ، 
3- امیری اور غریبی میں میانہ روی اختیار کرنے کا ، 
4- کہ میں اس شخص سے درگزر کروں جو (ذاتی حوالہ سے) میری حق تلفی کرے ،
5-  میں اسے (بھی) عطا کروں ، جو مجھے محروم کرے ،
6- میں اس سے (بھی) تعلق قائم کروں جو مجھ سے تعلق منقطع کرلے ، 
7- یہ کہ میری خاموشی (بھی) غور وفکر ہو ، میری گفتگو اللّٰہ کا ذکر ہو اور (اشیاء کو) میرا دیکھنا عبرت (بامقصد) ہو ۔ 

اے اللّٰہ!
ہمیں ان سات خصوصيات پر عمل کی توفیق دے دیجیے ، 
اور ہماری بڑھتی عمر میں ، ہمارے وسائلِ رزق کو وسعت دیجئے ۔ 

اے اقوامِ عالم کے پروردگار ! 
ہماری دعائیں قبول فرما لیجئے! 
اللّٰہ تعالیٰ آپ احباب کی حفاظت فرمائے اور آپ کو پاکیزہ زندگی سے نوازے۔