Dua on Aug 07, 2021

اے اللّٰہ ! 
ہمیں (ہمارے عیوب کو) اپنے مستحکم پردے سے ڈھانپ دیجیے ، 
اپنی مضبوط رسی (قرآن حکیم) کے ذریعے سے (ہمارے ایمان و عمل کی) حفاظت فرما دیجیے ، 
اور آپ ہمیں ان (اپنے بندوں) میں شامل کر دیجیے کہ : 
انہوں نے آپ سے پناہ مانگی تو آپ نے انہیں بچا لیا ، 
آپ کی طرف لپکے تو آپ نے انہیں اپنا بنا لیا ، 
آپ (کے غضب سے) ڈرے تو آپ نے انہیں اطمینان دے دیا ، 
انہوں نے آپ پر (اپنے معاملات کے سدھرنے میں) اعتماد کیا تو آپ انہیں (اس اعتماد کے لئے) کافی ہو گئے ،
اور انہوں نے آپ سے  مانگا تو آپ نے (ان کی ضرورت کے موافق) عطا کیا ۔ 
اللّٰہ تعالیٰ ہمیں اور آپ کو اس طرح بنا دے  کہ ہم اس کی رضامندی میں انعام یافتہ ہو جائیں ، اعمال صالحہ کے خوگر ہو جائیں ، اور تمام مصیبتوں سے محفوظ ہوجائیں ، 
اللّٰہ تعالیٰ ہمیں ، آپ کو ، ہمارے والدین کو ، آپ کے والدین کو اور تمام مسلمان مردوں اور عورتوں کو بخش دے ، 
اے اللّٰہ! ہمارے نبی حضرت محمد ﷺ پر ، آپ کی آل پر اور تمام صحابہ کرام پر رحمتیں نازل کیجئے ، سلامتی عطا کیجیے اور برکت عطا فرمائیے ۔