Dua on Feb 04, 2024

رسول اللہ ﷺ نے فرمایا : 
(اللّٰہ تعالیٰ کی) حرام کردہ چیزوں سے بچو آپ لوگوں میں سے سب سے زیادہ عبادت گذار ہو جائیں گے ، 
اللّٰہ تعالیٰ نے جو آپ کے لیے تقسیم کیا ہے اس پر راضی ہو جاؤ تو آپ لوگوں میں سے سب سے زیادہ غنی ہو جائیں گے ، 
اپنے ہمسایہ کے ساتھ بھلائی کرو تو (حقیقی) مؤمن  ہوگے ، 
اور لوگوں کے لیے وہی پسند کرو ، جو آپ اپنے لیے پسند کرتے ہو تو (حقیقی) مسلمان ہو گے۔ 
اور زیادہ مت ہنسو ، کیونکہ زیادہ ہنسنا دل کو مردہ کر دیتا ہے۔ 
(راوی حدیث ؛ حضرت ابو ھریرہ رضی اللّٰہ عنہ، سنن الترمذی ؛ 2305) 
اے اللہ !
ہمیں تقوی ، اپنی رضا ، اپنی ہیبت اور نیکی وبھلائی دیجیے ، 
ہمارے دلوں کو اپنی یاد سے زندہ کر دیجیے ،
 اور ہمیں اسلام کی حالت میں دنیا سے لے جائیے۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔