Dua on Mar 03, 2022

اے اللّٰہ!
آپ ہمیں بات کرنے اور کام کرنے میں اخلاص کی دولت سے نواز دیجیے ، 
اے اللّٰہ!
آپ ہم سے (اپنے دین اور اپنی مخلوق کی) خدمت کا کام لے لیجیے ، اور ہمیں (کسی اور قوم سے) تبدیل نہ فرمائیے (کہ ہمیں محروم کرکے ان سے  یہ کام لیں) اور ہمیں سیدھے راستے پر چلا دیجیے ، 
اے اللّٰہ!
ہمارے درمیان نہ کینہ اور نہ ہی بغض رونما ہونے دیجئیے ، 
ہماری ہر گفتگو اور ہمارے ہر عمل کو اپنی رضامندی کے مطابق کر دیجیے ، 
اے ہمارے پروردگار !
 (ہماری) بخشش فرما دیجیے ، رحم فرما دیجیے اور ہر اس (کوتاہی) سے ہم سے درگذر فرمائیے ، جو آپ کے علم میں ہے کہ یقیناً آپ وہ جانتے ہیں جو ہم نہیں جانتے ،
بیشک آپ ہی اللّٰہ سب سے غالب ، سب سے بزرگ ترین اور سب سے زیادہ مہربان ہیں۔ 

 اے اقوامِ عالم کے پروردگار !
ہماری دعائیں قبول فرما لیجئے!