دعا بتاریخ دسمبر 28, 2023

اے اللّٰہ !
ہمیں بہترین فیصلے عطا کر دیجیے اور ہمیں برے فیصلوں سے کافی (محافظ) ہو جائیے ، 
ہمیں امن و اطمینان والے ایسے دل دے دیجیے جنہیں دنیا کی کوئی آزمائش تکلیف نہ دے، 
اور ہمارے گھروں اور ہمارے شہروں کو (وسائل رزق میں) برکت سے ، (گناہوں اور عیوب کی) ستر پوشی سے اور امن و امان سے ڈھانپ دیجیے ۔
اے اللّٰہ!
ہمارے دلوں کو اپنی امید کے ساتھ جوڑ دیجیے اور ہماری (دلی) امیدوں کو اپنے سوا (تمام مخلوقات) سے منقطع کردیجیے ۔
اے اللّٰہ!
بیشک آپ ہمارے عیبوں کو جانتے ہیں پس انہیں (دوسروں کی نگاہوں سے) چھپا دیجیے ، 
آپ ہمارے تقاضوں کو جانتے ہیں پس انہیں پورا فرما دیجیے ، 
اے میرے پروردگار !
بیشک سکون واطمینان آپ کے لشکروں (خزانوں) میں سے ایک لشکر ہے پس اسے ہمارے دلوں میں جاگزیں کردیجئے ۔

 اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔