دعا بتاریخ جون 28, 2023

اے اللّٰہ!
بیشک یہ میرے (دینی) بھائی و میری (دینی) بہنیں اور میرے ساتھی ہیں پس آپ ان پر عشرہ ذی الحجہ اسی صورت میں اختتام پذیر کیجئے کہ
 آپ نے ان کے گناہ بخش دیئے ہوں ،
 آپ نے ان کے حالات بہتر کر دیے ہوں ، 
آپ نے ان کے ایمان مضبوط کر دیئیے ہوں ، 
آپ نے ان کی زندگی کو سعادت مند بنادیا ہو ، 
اور آپ نے ان کی امیدوں کو پورا کر دیا ہو ، 
اے اللّٰہ!
عشرہ ذی الحجہ کے دنوں کو ان کے غموں کو ختم کرنے والے اور ان کی خوشیوں کو شروع کرنے والے (ایام) بنا دیجیے ، 
میں ہر اس گناہ سے آپ کی پناہ میں آتا ہوں جس سے ان (احباب) کے وسائل رزق روک دیے جائیں یا ان کے اعمال اکارت کر دیے جائیں ۔
اے اللّٰہ !
ان کو وہ سب پہنچا دیجئے جو انہوں نے آپ سے مانگا اور انہیں اپنے فضل سے (اس سے بھی) زیادہ دیجیے ۔۔ 
اے اللّٰہ!
انہیں پاکیزہ مقام ، زندگی کا خوبصورت اختتام اور سلامتی کا گھر (جنت) دے دیجیے ۔۔ 
اے اللّٰہ!
ان کے لیے دنیا (میں وسائل زندگی) کے حصے اور آخرت کی بھلائیاں تقسیم فرما دیجیے ، انہیں (ان کے نام ، جہنم کی آگ سے) آزاد کردہ سعادت مندوں میں اور ان میں  لکھ دیجیے ، جن کے چہروں کو آپ نے جہنم کی آگ سے حرام (محفوظ) کر دیا ہے ۔۔ 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب) کی حفاظت فرمائے اور آپ کو پاکیزہ زندگی کے ساتھ نوازے ۔