دعا بتاریخ اپریل 27, 2021

اے اللّٰہ !
اے وہ ذات جو آوازوں کو سنتی ہے خواہ کتنی ہی پست ہوں ، 
جو حاجتیں پوری کرتی ہے خواہ کتنی ہی بڑی ہوں ، 
جو دعائیں قبول کرتی ہے خواہ کتنی ہی بھاری ہوں ، 
جو لغزشیں معاف کرتی ہے خواہ کتنی ہی زیادہ ہوں ، 
اے اللّٰہ !
اے کرم والے ، اے جلال و عزت والے ! ہم آپ سے سوال کرتے ہیں کہ آپ ہمیں سعادت اور وقار کے لباس سے آراستہ کر دیجیے ، 
 ہمیں پریشانی اور رنج و غم سے حفاظت میں رکھئیے ، 
 قبولیت کے اوقات میں ، ہمیں دعا الھام  فرما دیجیے ( دلوں میں ڈال دیجئے )
بیشک آپ ہر چیز پر قادر اور دعا کی قبولیت کے شایان شان ہیں ۔ 
اے اللّٰہ ! 
آپ اپنی مخلوق میں سے سب سے برگزیدہ ، ہمارے آقا اور ہمارے نبی حضرت محمد ﷺ پر ، آپ کی آل اور تمام صحابہ کرام رضوان اللّٰہ علیھم پر اپنی رحمتیں ، سلامتی اور برکتیں نازل فرما دیجیے ۔