دعا بتاریخ دسمبر 25, 2021

اے اللّٰہ!
بیشک ہم آپ (کی رحمت) کے دروازے پر کھڑے ہیں ،
آپ کی رحمت سے وابستہ ہیں ، 
آپ کی مہربانی کے خواہشمند ہیں ، 
 آپ کی معافی چاہنے والے ہیں ، 
اور آپ کی چاہت کے امیدوار ہیں ،
پس اے اُن سب سے بڑے مہربان ! جن سے سوال کیا جاتا ہے اور اُن سب سے زیادہ سخی ! جو عطا کرتے ہیں ،
آپ ہمیں اپنی محبت ، اپنے درگذر اور اپنی رضا سے محروم نہ کیجئے ۔
 اے اللّٰہ!
آپ نے اپنے فضل سے ، مجھ پر اور میرے احباب پر جو احسان فرمایا ، پس اسے پایہ تکمیل تک پہنچا دیجیے ، 
آپ نے اپنے کرم سے مجھے اور انہیں دیا ، پس اسے واپس نہ لیجیے ، 
 آپ نے اپنی بُردباری سے میری اور ان کی جن (کمزوریوں) کی  پردہ پوشی فرمائی تو اسے ظاہر نہ کیجیے ، 
 آپ  میرے اور ان کے بارے میں جو بھی برائی (گناہ) جانتے ہیں پس اسے بخش دیجیے۔ 
بیشک آپ سب سے زیادہ بخشنے والے مہربان ہیں۔
اے اقوامِ عالم کے پروردگار ! ہماری دعائیں قبول فرما لیجئے!