دعا بتاریخ مارچ 25, 2024

اے اللّٰہ !
ہمیں اپنے مضبوط حصار کے ساتھ (گناہوں سے) محفوظ کر دیجیے اور ہم سے شیاطین کو دور کر دیجیے ، 
اے اللّٰہ!
اے سارے جہانوں کے رب ! 
داؤ لگانے والوں کے داؤ کو، مکر وفریب والی (طاقتوں اور گروہوں) کی چالوں کو اور حسد کرنے والوں کے حسد کو انہی پر پلٹ دیجیے، 
اور ان کی تدبیر کو ان کے لیے ہلاکت (کا ذریعہ) بنا دیجیے ۔۔ 
اے اللّٰہ!
اے ہمارے پروردگار ! 
ہمارے تھوڑے سے عمل کو قبول کیجیے اور رمضان المبارک میں ہماری (سرزد ہونے والی) کوتاہیوں سے درگزر کیجیے، 
اپنی یاد، (نعمتوں پر) اپنے شکر اور اپنی عبادت پر ہماری مدد کیجیے، 
(روزانہ) نماز کی ادائیگی پر، (رمضان میں) روزے رکھنے پر اور رات کے قیام (تراویح وغیرہ کی ادائیگی) پر ہماری مدد کیجیے،
 اے اللّٰہ!
ہمیں معاف کیجیے، ہمیں جہنم کی آگ سے اپنے آزاد کردہ بندوں میں شامل کر دیجیے اور ہمیں لیلۃالقدر تک پہنچا دیجیے (توفیق دیجیے). 

اے اقوامِ عالم کے پروردگار !
ہماری دعائیں قبول فرما لیجئے! 
اللّٰہ تعالیٰ آپ (احباب)  کی حفاظت فرمائے اور آپ کو پاکیزہ زندگی کے ساتھ نوازے ۔